Aupa! foro honetan nire birjinitatea galduko dot lan asko emon dozten argazki batekin...

Hau da edozein gau argitxu batetan ikusi ahal dogun zerue Larrabetzun. Alde batetik, lurraren rotazioagatik izarrak mugitzen, eta bestetik, gaubero Loiuko aireportura heltzen diren hegazkinen argiak... esatekoa da be, holako herri txiki batek zetako behar dau hainbesteko farolak 10 metrora?

240segunduko 25 argazkiz osatutako argazkia, f/3.5 ISO200 @18mm, Startrails programarekin konbinatuta.

Pufffa iskan, argazki bikaina! pena da bai hainbeste argi "artifial" egotea...hala ere txapela kentzeko modukoa...Hegazkinak utzi duen arrastroetan, puntu argitxuak ageri dira, estela magiko bat dirudi jejeje

Ongi etorri Iskan! Min eman al du lehenengo aldiak? Ea apur bat animatzen den gauza zure etorrerarekin! Badakizu aurkeztu nahi baduzu baduzula horretarako lekutxoa foroan bertan.

Argazki bikaina da, batez ere zeruan. Pena da beheko partea, ezkerrekaldean dagoen zuhaitz fantasmagoriokoak eta gehiegizko argiak asko distraitzen bait dute.

Lan eskerga hartu zenuen argazkia ateratzeko ez? 25 argazki! Kontatu dezakezu prozesua apur bat gehiago mesedez? Ea horrela besteok ere animatzen garen horrelako zerbait egitera

Eskerrik asko!

Aupa! egie esan ez dau min askorik ein lenengo aldie izeteko... jejeje

ba argazkie egiteko, lehendabizi nola egin aukeratu behar da, hau da, ISO altuagoa erabili eta 30segunduko argazki askorekin (baditut egindako saiakerak 160 argazkirekin...) edo ISO baxuagoa eta exposizio denbora luzeagoa erabili. Kasu honetarako, exposizio denbora luzeagoak hobe zirela ikusi nuen, hegazkinen kontuagatik; ez nuen gura hegazkina argazki erditik pasetan dagoenean argazkia bukatzea, bere bidea moztuta agertzea.

horretarako, frogak egin nituen exposizio luzearekin, eta azkenean 4minutuko argazkiak ateratzea erabaki neuen. Hurrengo geuzia, Zurien Oreka pertsonala egin nuen. Nire ustez, holako exposizio luzeetan baita ISO altuetan, Zurien Oreka pertsonala erabiliz soinua murriztu edo hobeto esan disimulatu egiten da. Horretarako, probetan eginiko azkeneko 4minutuko argazkia erabili nuen Zurien Oreka pertsonala egiteko.

Dena prest edukita, argazkiak ateratzen hasi nintzen, mando batekin exposizioa blokeatuz eta 4 minuturo argazkiak ateratzen...

gauzarik garrantzitsuena, pasientzi handia izatea da.... lagunen batekin bazoaz hobe, eta ez bada inor animatzen, eraman zeozer egiteko edo euskadi gaztea jarri eta entzun ekaitz perfektua erlajatzeko.... jejejej baina gogoratu 4 minutura argazkia egin behar duzula!

espero dot gutxi gorabehera dana azaldutia... norbait Larrabetzu ingurukoa badan eta holako argazkiak egin nahi baditu esan geratzeko!