Histograma. Lehen partea.

Asteartea, 2009(e)ko azaroa(r)en 10-(e)an 23:33etan nausicaa-k idatzia

Tags:

Argazki batean histogramak, bertan dauden pixel guztien argitasunaren araberako grafika estadistikoa da, hots, argazkiko pixel guztiak banan banan hartu eta duen argitasunaren arabera alde batean edo bestean marrazten dira. Baina zer esan nahi dugu honekin, adibide batzuekin hobeto ikusiko dugu.

Zer gertatzen da dena txuriz dagoen argazki bat badugu:

argazki txuriaren histograma

Agerikoa denez argazkian tono bat bakarrik dago txuria, ondorioz histogramaren eskubialdean marra beltz bertikal bat ikusten da. Hau da, argazkiko pixel guztiak histogramaren eskuinaldean daude irudikatuak.

Zer gertatzen da dena beltzez dagoen argazki bat badugu.

argazki txuria

argazki beltzaren histograma

Kasu honetan pixel guztiak ezkerrean daude kokatuta.

Hirugarren kasua, irudia gris neutroa bada:

argazki grisa

argazki grisaren histograma

Oraingoan tonoa gris neutroa denez histogramaren erdian dago marra, pixel guztiak tono horretan kokatuta daudelako.

Laugarren kasuan aurreko adibideetako hiru tonoak erabili ditugu, eta pentsatuko duzuen bezela histograman hiru marra agertuko dira.

argazki hiru tono dun argazkia

argazki hiru tono dun histograma

Azken kasuan beltzetik txurirarte doan degradatua jarriko dugu. Beste kasuak ikusita erraza da asmatzea kasu honetan txuritik beltzera doazen tono guztiak ditugula eta ondorioz histogramaren alde batetik besteraino marrez josita egongo dela.

argazki degradatua

argazki degradatu histograma

Artikulo motz honekin histogramak zer esaten duen modu erraz batean azaldu nahi izan dugu, hurrengo artikuluetan gehiago sakonduz joango gara histogramaren munduaz, horretarako argazki errealak erabiliz. Beraz hurrengorarte!

Bookmark

Trackback(0)

TrackBack URI for this entry